Хрыстос Уваскрос! Сапраўды Уваскрос!

Дарагія выкладчыкі, студэнты і сябры Катэхетычнага каледжа!

Віншуем Вас са светлым святам Уваскрасення Збаўцы!

Велікодны перыяд літургічнага года –

Гэта велічны час уваскрасення Хрыста,

Калі Бог Усемагутны паказаў шлях да неба,

Зняў пячатку граху Ён з дарогі жыцця!!!

Калі Езус уваскрос, то спаслаў міласэрнасць,

Дабрынёю Сваёй Бог усіх узмацніў!

І, устаўшы з магілы, узрушыў каменні,

Якімі Яго грэшны люд засланіў…

Валадар Усемагутны разарваў путы пекла,

Чалавецтва да Сэрца Свайго прытуліў

І Сваёю правіцай даў усім людзям збаўленне,

Праз Сваё ўваскрасенне грэшны свет адкупіў!

Каб народ хрысціянскі развіваўся ў веры,

І заўсёды згаджаўся жыць у ласцы Айца,

Зніклі б спрэчкі, нянавісць, праклёны, нявер’е –

Перашкоды ўвайсці ў Валадарства Хрыста!

Божы Сын уваскрос!!! Ён – жывы, Ён – сапраўдны!

Атуляе любоўю, прыносіць спакой,

Ён дае міласэрнасць і моцную веру,

Ачышчае душу і яднае з Сабой!!!

Верш Анастасіі Блусянковай