Вянок ружаў

Паважаныя студэнты! Набліжаецца кастрычнік — месяц ружанцовай малітвы. З гэтай нагоды на бліэйшым навучальным з’ездзе 27-28 верасня адбудзецца акцыя дабрачыннасці “Вянок ружаў”.

Запрашаем усіх жадаючых зрабіць сумеснымі намаганнямі ружанцы для дзетак, якія пазней будуць перададзены ў парафіі горада Баранавічы.

Вера без спраў мёртвая (Як 2, 26). Таму давайце сваёй працай натхнім маленькіх вернікаў да шчырай малітвы да нашай агульнай маці — Марыі, і няхай Яна ахоўвае іх ад усялякага зла.