Навукова-практычны семінар “Аздараўленне: экзарцызм ці псіхатэрапія?”

Катэхетычны каледж імя З. Лазінскага ў Баранавічах запрашае на адкрыты навукова-практычны семінар “Аздараўленне: экзарцызм ці псіхатэрапія?”

На семінары будуць разгледжаны праблемы звышнатуральных аздараўленняў, “спадчынных грахоў”, распазнавання харызматаў, дэманічных уздзеянняў і псіхаманіпуляцый.

Семінар пройдзе 22 лютага. Пачатак а 9.00, заканчэнне а 19.00.

Праграма

9.00 – рэгістрацыя
9.45 – прывітальнае слова дырэктара каледжа (кс. А. Рылка)
10.00 – даклад “Феномен аздараўлення як выклік для духоўнасці і псіхалогіі” (а. Антоні Руды, Украіна)
10.30 – даклад “Аздараўленне: ці патрэбна псіхалогія?” (Марыя Рудая, Украіна)
11.00 – перапынак
11.40 – даклад “Аздараўленне: вопыт душпастыра і экзарцыста” (кс. Чэслаў Паўлюкевіч, Беларусь)
12.45 – св. Імша
13.45 – абед
15.00 – сведчанне “Вопыт эксперыментаў і аздараўлення” (Аляксей і Станіслава Каралевіч)
16.00 – перапынак
17.00 – абмеркаванне тэм, пытанні да дакладчыкаў
18.30 – падвядзенне вынікаў семінара
19.00 – заканчэнне

Дакладчыкі семінара:

Айцец Антоні Руды, рыма-каталіцкі святар, пробашч парафіі ў Магілёве Падольскім (Украіна). Магістр тэалогіі Люблінскага каталіцкага ўніверсітэта. Пасля заканчэння Харкаўскага нацыяльнальнага ўніверсітэта атрымаў спецыялізацыю ў галіне трансактнага аналізу, практыкуючы псіхолаг-псіхатэрапеўт. Працаваў як псіхолаг і эксперт у галіне разнастайных грамадскіх даследаванняў (“Студэнцкая рэспубліка”, “Новы старт”). Вядомы як актыўны дзеяч у галіне псіхалогіі і душпастырства.

Айцец Чэслаў Паўлюкевіч, рыма-каталіцкі святар, пробашч парафіі ў Росі (Гродзенская дыяцэзія, Беларусь), экзарцыст Гродзенскай дыяцэзіі, арганізатар шматлікіх малітоўных сустрэч і рэкалекцый у галіне духоўных аздараўленняў. Мае багаты душпастырскі вопыт у галіне выратавання асобаў, якія сталі ахвярамі псіхаманіпуляцый, удзеяння дэманічных сіл.

Марыя Рудая, магістр псіхалогіі. Пасля заканчэння факультэта хрысціянскай філасофіі ў Акадэміі каталіцкай тэалогіі ў Варшаве спецыялізавалася ў галіне агульнай псіхалогіі і псіхаметрыі. Працавала ў Жытомірскім абласным цэнтры сацыяльных служб для моладзі, Жытомірскім абласным псіхіятрычным шпіталі, спецыяльных навучальных установах ва Украіне і Беларусі, а таксама ў дзіцячых дамах розных тыпаў. Мае багаты вопыт духоўнай і псіхалагічнай працы з рознымі катэгорыямі людзей.

Аляксей і Станіслава Каралевіч (Мінск, Беларусь), актывісты каталіцкага руху “Святло-Жыццё” (“Хатні Касцёл”), кіраўнікі рэгіянальнага аддзялення гэтага руху ў 2002 – 2012 гг. Маюць багаты досвед у галіне духоўнага аздараўлення, працы з асобамі, уцягнутымі ў “біяэнергатэрапію”.

Удзельнікі будуць забяспечаны харчаваннем і пры неабходнасці начлегам.