Каледж

Адкрыты навукова-практычны семінар “Евангелізацыя і новыя сродкі камунікацыі»

DSC_2895

Як Касцёлу прамаўляць да сучаснага чалавека? Кожны святар, законніца, каталіцкі журналіст павінен задаць сабе пытанне: а як бы прапаведаваў Хрыстус, калі б прыйшоў у свет у наш час? Не выключана, што Ён стаў бы блогерам ці завёў бы свой акаўнт у твітары, каб несці Добрую Навіну.

Чытаць далей

Выкладчыкі

 

 

 Кс. Юрый Пракапюк

Дырэктар каледжа.

Ксендз магіст ліцэнцыянт Юрый Пракапюк — нарадзіўся ў 1984 годзе ў Кобрыне, Брэсцкая вобл. Скончыў семінарыю ў 2014 годзе і ў гэтым жа годзе атрымаў ступень магістра тэалогіі на Унiверсiтэце кардынала Стэфана Вышынскага ў Варшаве (UKSW). У 2016 годзе здабыў ступень ліцэнцыята ў Пастаральна-Літургічым Інстытуце (KUL). Ад 2018 года дактарант Люблінскага Каталіцкага Універсітэта Яна Паўла ІІ (KUL) па спецыялізацыі гамілетыка. Душпастыр Глухіх Пінскай дыяцезіі.

Выкладчык Літургікі і Рыторыкі.

Щучко   Ядвіга Шчучко

Выкладчык рэлігіязнаўства, місіялогіі.

Магістр тэалогіі. Скончыла Вільнюскі тэхнічны універсітэт (VGTU) і Універсітэт кардынала Стэфана Вышынскага ў Варшаве (UKSW).

 
sakratar   Святлана Квяткоўская

Сакратар каледжа.
Скончыла факультэт прыкладной матэматыкі Беларускага дзяржаўнага універсітэта ў 1985 годзе. Выпускніца Школы сямейнага жыцця ў Мінску 2009 года. Скончыла 2-х гадовую Школу журналістыкі пры часопісе “Дыялог”. Уваходзіць у склад Камісіі па справах душпастырства сем’яў Пінскай дыяцэзіі.

Замужам, мае сына і дачку.

 

Соломон  

Кс. Ян Саламон

Выкладчык фундаментальнай тэалогіі.

Доктар фундаментальнай тэалогіі, магістр тэалогіі.

 
DSC_3031  
Кс. Юрый Дрозд 

Ксёндз доктар Юрый Дрозд — нарадзіўся ў 1985 г. Скончыў Беларускі дзяржаўны педагагічны ўніверсітэт імя Максіма Танка (2007), магістр гісторыі (2008). У 2014 годзе скончыў Міждыяцэзіяльную вышэйшую духоўную семінарыю імя св. Тамаша Аквінскага ў Пінску, магістр тэалогіі (2014). У 2020 годзе абараніў доктарскую дысертацыю па тэалогіі ў Люблінскім каталіцкім універсітэце імя Яна Паўла ІІ. Выкладчык Экуменічнай тэалогіі і Уводзінаў у тэалогію.

Лысый

Кс. Андрэй Лысы

Выкладчык біяэтыкі.

Доктар тэалогіі. Скончыў  Універсітэт кардынала Стэфана Вышынскага ў Варшаве. Рэктар Вышэйшай духоўнай семінарыі Таварыства Хрыста для палякаў эмігрантаў у Познані (Польшча).

   
Повайбо  

Кс. Юрый Павайба

Выкладчык гісторыі філасофіі.

Доктар філасофскіх навук. Выкладчык Вышэйшай духоўнай семінарыі ў Гродне, Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску, Катэхетычнага інстытута ў Гродне.

 
Жегарин  

Кс. Юрый Жэгарын

Выкладчык прадмета “Сродкі масавай камунікацыі”.

Доктар тэалагічных навук. Скончыў Каталіцкі універсітэт у Любліне па спецыяльнасці мас-медыя.

 
ks.Adam-Dyinak  

Кс. Адам Дынак 

Выкладчык уводзін у тэалогію. 

Доктар тэалагiчных навук. Скончыў Унiверсiтэт кардынала Стэфана Вышынскага ў Варшаве. Вiцэ-рэктар Мiждыяцэзiяльнай вышэйшай духоўнай семiнарыi iмя св. Тамаша Аквiнскага ў Пiнску.

 
 
Рылко

Кс. Андрэй Рылка

Выкладчык філасофіі, сацыяльнага вучэння Касцела.

Магістр тэалогіі і філасофіі, дактарант філасофскага факультэта Люблінскага каталіцкага універсітэта імя Яна Паўла ІІ, рэктар Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску.

   
Силькевич  

Кс. Алег Сількевіч

Выкладчык дагматычнай тэалогіі.

Скончыў Вышэйшую духоўную семінарыю ў г. Драгічын (Польша). Ад 2007г. дактарант тэалагічнага факультэта з тэалогіі дагматычнай ў Каталіцкім універсітеце імя Яна Паўла ІІ,г.Люблін. З 2009 па 2013г. быў дырэктарам Катэхетычнага каледжа.

 
Романчук  

Кс. Аляксей Раманчук

Выкладчык гісторыі Касцела, патралогіі.

Скончыў  Вышэйшую духоўную семінарыю  ў г.Гродна. У Каталіцкім універсітеце імя Яна Паўла ІІ у г.Люблін (Польшча)  атрымаў ступень магістра тэалогіі, на тэалагічным факультэце абараніў ліцэнцыят з гісторыіі касцёла.

Выкладчык  Міждэяцэзіяльнай Вышэйшай духоўнай семінарыі  імя св. Тамаша Аквінскага ў Пінску.

 
Вашкевич

Кс. Станіслаў Вашкевіч

Выкладчык маральнай тэалогіі, вучэння аб сям’і.

Магістр ліцэнцыянт. Адказны за душпастырства сем’яў Мінска-Магілеўскай архідыяцэзіі.

   
Урбан   Кс. Павел Урбан

Выкладчык кананічнага права.

Магістр-бакалаўр кананічнага права. Скончыў Люблінскі каталіцкі універсітэт па спецыяльнасці кананічнае права. Віцэ-афіцыял касцельнага суда ў Гродне. Скончыў курсы рэстаўратараў і спецыялістаў па сакральным мастацтве ва універсітэце  імя М. Каперніка ў Торуні, а таксама курс па праблемах алкагалізму і Апостальства цвярозасці ў Закрочыме.

 
Шпеть  

Кс. Алег Шпець

Выкладчык пастаральнай тэалогіі.

Магістр ліцэнцыянт пастаральнай тэалогіі. Скончыў Духоўную семінарыю ў Познані. Выкладчык Міждыяцэз’яльнай духоўнай семінарыі ў Пінску.

 
Сапега   А. Віталій Сапега
Выкладчык тэалогіі духоўнасці.Магістр антрапалагічнай тэалогіі. Скончыў Брэсцкі палітэхнічны інстытут і Папскую тэалагічную акадэмію ў Кракаве. Цяпер вучыцца на PWUT.
 
Хиневич4  

Кс. Юрый Хіневіч

Выкладчык катэхетыкі (тэорыі).

Магістр ліцэнцыянт тэалогіі. Скончыў Каталіцкі універсітэт у Любліне. Выкладчык Міждыяцэз’яльнай духоўнай семінарыі ў Пінску.

 
Халапук  

С. Таццяна Халапук

Выкладчык катэхетыкі (практыкі).

Магістр тэалогіі, скончыла Папскі Тэалагічны Кірунак ва універсітэце ў Варшаве, а таксама 3-гадовыя педагагічна-катэхетычныя курсы, з 1992 па 1994 гг вучылася ў Катэхетычным каледжы ў Баранавічах. Выкладае катэхезу ў парафіі Узвышэння Святога Крыжа ў Светлагорску.

 
 
alena  
Алена Валаховіч
 
Выкладчык сямейнай катэхетыкi, дашлюбнай катэхетыкi. 

Магiстр навук аб сям’i. Скончыла Люблінскі каталіцкі ўніверсітэт імя Яна Паўла ІІ (Iнстытут навук аб сям’i), а таксама педагагiчны факультэт Беларускай Акадэмii музыкi.

Замужам, з’яўляецца мацi 5 дзяцей.

 
grigorovich  

Кс. Алег Грыгаровіч

Выкладчык педагогікі і сацыяльнай педагогікі

Магістр тэалогіі і выхаваўчых навук

У 2004 годзе скончыў Вышэйшую Духоўную семінарыю ў Алтажэве (Польшча). З 2005 па 2010 г.г. вучыўся ў Папскім Салезіянскім універсітэце (Рым, Італія)

 
Солобуда  

Кс. Павел Салабуда

Выкладчык педагогікі.

Магістр псіхалогіі, аўтар некалькіх навуковых публікацый і праведзеных псіхалагічных даследванняў. Дырэктар Каталіцкай сямейнай кансультацыі  і эксперт Касцельнага суда Гродзенскай дыяцэзіі. У 2012 г. арганізаваў Першы Кангрэс каталіцкіх СМІ ў Беларусі. З 2013 г. з’яўляецца дырэктарам Тэлевізійнага цэнтра пры Канферэнцыі Каталіцкіх Біскупаў у Беларусі.Выкладчык агульнай псіхалогіі, псіхалогіі развіцця чалавека, пастаральнай псіхалогіі, а таксама масс-медыі ў Гродзенскай вышэйшай духоўнай семінарыі.

 
Малиновский  

А. Яўген Маліноўскі

Выкладчык псіхалогіі (сацыяльная, сямейная).

Кандыдат псіхалагічных навук, дацэнт. Скончыў Мінскую духоўную семінарыю і Беларускі дзяржаўны педагагічны універсітэт імя М.Танка.

 
Булыга   Віталь Булыга

Выкладчык псiхалогii развiцця, сямейнай паталогii i прафiлактыкi, сямейнага кансультавання.

Магістр псіхалогіі, сацыяльнай псіхалогіі.
Скончыў Беларускі інстытут правазнаўства ў 2009 годе, у 2011 – Мінскі інстытут упраўлення. Кансультант па пытаннях цяжкіх жыццёвых сітуацый у жаночай кансультацыі. Аўтар шэрагу асветніцкіх артыкулаў і рэцэнзаваных адукацыйных курсаў актыўнага навучання. Выпускнік Катэхетычнага каледжа 2012 года.

Сем’янін, бацька двух дачок і сына.

 
Синюк  
Алена Сінюк
 
Выкладчык псіхалогіі.
 
Скончыла Мазырскі дзяржаўны педагагічны універсітэт ім. І.П.Шамякіна, Магілеўскі дзяржаўны універсітэт ім. А.А.Куляшова і Маскоўскі гештальт-інстытут. З’яўляецца сертыфікаваным гештальт-тэрапеўтам. Выпускніца Катэхетычнага каледжа 1995 года.
 
Антонова    Таццяна Антонава

Выкладчык  МРП (метады распазнання плоднасці).
 
Скончыла Мінскі медыцынскі ўніверсітэт, урач-педыятр. Выпускніца Катэхетычнага каледжа 2012 года. Працуе ў цэнтры павышэння кваліфікацыі кіруючых працаўнікоў і спецыялістаў медыцыны.
Замужам, мае дачку. 
 
 
   
Марыя Рудая
 
Выкладчык псiхадыяностыкi
 
 

 


Увага! Старонка на стадыі распрацоўкі: інфармацыя можа быць няпоўнай і недакладнай!

Сімпозіум на тэму пагрозы таталітарных сект і новых рэлігійных рухаў

DSC_3576

21 мая 2011 г. у Катэхетычным каледжы імя З. Лазінскага ў Баранавічах прайшоў міжнародны навуковапрактычны сімпозіум на тэму  «Пагроза таталітарных сект і новых рэлігійных рухаў». Удзел у мерапрыемстве прынялі студэнты і выкладчыкі каледжа, а таксама святары, манаскія і свецкія асобы з розных куткоў Беларусі. Чытаць далей

Біяграфія біскупа Зыгмунта Лазінскага

BiskupZygmuntLazinski

Зыгмунт Лазінскі нарадзіўся 8 чэрвеня 1870 ў Бараціне пад Наваградкам у шляхецкай сям’і. Чалавек вялікага розуму, энцыклапедычных ведаў, эрудыт і паліглот, які валодаў 12 мовамі, вылучаўся добрымі арганізатарскімі здольнасцямі, вялікай ахвярнасцю для бедных, хрысціянскім запалам ў дапамозе бліжнім і сціпласцю асабістага жыцця.

Навучанне  Зыгмунт Лазінскі пачаў у сярэдняй школе ў Варшаве, завяршыў у Санкт-Пецярбургу. У 1891 г. скончыў там жа Вышэйшую духоўную семінарыю са ступенню магістра тэалогіі. 23 чэрвеня 1895 г. атрымаў святарскае пасвячэнне. З 1895 г. працаваў выкладчыкам біблеістыкі і гамілетыкі ў Санкт-Пецярбургскай вышэйшай духоўнай семінарыі, а таксама адной з гарадскіх гімназій. 17 лістапада 1898 г. царскім урадам Зыгмунт Лазінскі быў адпраўлены ў зняволенне ў манастыр у Аглоне на 3 гады «за польскі патрыятызм», адкуль у 1900 г. быў вызвалены. Пасля працаваў вікарыем у Смаленску, Туле, Рызе, з 1904 — адміністратарам філіяльнага касцёла Узвышэння Святога Крыжа ў Мінску, а з красавіка 1905 — пробашчам катэдральнага касцёла ў Мінску. З 1906 аднавіў дзейнасць выкладчыка біблеістыкі і габрэйскай мовы ў Санкт-Пецярбургскай вышэйшай духоўнай семінарыі. Працягнуў навучанне ва ўніверсітэтах Італіі (Рым), Германіі і Святой Зямлі.

2 Лістапад 1917 Зыгмунт Лазінскі быў прызначаны на пасаду Біскупа Мінскай дыяцэзіі. У 1918 годзе 10 кастрычніка ён адкрыў у Мінску ніжэйшую, а пасля і вышэйшую духоўную семінарыю. У снежні 1918 з прыходам у Мінск Чырвонай Арміі Біскуп Лазінскі пяць месяцаў хаваўся ад арышту ў лясах, не пакідаючы пры гэтым служэння і кіравання дыяцэзіяй, за што бальшавікамі была прызначаная за яго галаву вялікая ўзнагарода. У жніўні 1919 г. з прыходам у Мінск польскіх войскаў вярнуўся ў горад і працягнуў служэнне. Пасля вяртання Чырвонай Арміі адмовіўся падпісваць дэкларацыю аб прызнанні савецкай улады, заявіўшы, што будзе змагацца з камунізмам, які прыносіць бязбожнасць і бяспраўе, за што 1 жніўня 1920 быў арыштаваны па абвінавачванні ў «контррэвалюцыі». Праз 10 дзён пад ціскам мясцовых каталікоў быў вызвалены. 4 верасня 1920 года Біскупа Лазінскага зноў арыштавалі, утрымліваўся ён ў Мінскай турме, пазней быў пераведзены ў Маскву і заключаны ў Бутырскую турму. Праз 11 месяцаў быў вызвалены дзякуючы намаганням польскага ўрада.

0sHftz

2 снежня 1925 святара прызначылі біскупам новастворанай Пінскай дыяцэзіі. У гэты час ён выкладаў біблеістыку, матэматыку і гуманітарныя прадметы ў заснаванай ім жа Вышэйшай духоўнай семінарыі ў Пінску.  Біскуп Лазінскі аддана падтрымліваў “усходні гурток” у Пінскай семінарыі, быў ініцыятарам унійных канферэнцый, на якія з’язджаліся выкладчыкі многіх вышэйшых духоўных семінарый. Яго погляды пра магчымасць ужывання беларускай мовы ў набажэнствах станавіліся аб’ектам вострай крытыкі, а справа пашырэння рэлігійнай уніі не заўсёды знаходзіла разуменне ў польскім грамадстве і сярод яго акружэння. Усе сваё жыццё Зыгмунт Лазінскі шмат пісаў і публікаваўся.

Пад канец жыцця Біскуп скіраваў да верных наступныя словы: “Заданнем маім было весці вас да неба, дзеці мае! Вельмі нямогла служыў я вам; ні словам, ні прыкладам не ўмеў я быць правадыром, якім трэба было быць. Даруйце мне мае правіны… Але я вас любіў бясконца і аддана прагнуў аддаць за вас усё маё жыццё, і заўсёды прасіў Пана Езуса, каб дазволіў мне за вас пакутваць, і пакутамі выслужыць Касцёлу тое, чаго не магла здабыць для Яго мая няўдольная праца”.

Біскуп Зыгмунт памёр у Пінску ў Вялікую Суботу, напярэдадні Вялікадня, 26 сакавіка 1932 года. Быў пахаваны ў мясцовым катэдральным касцёле, дзе саркафаг з яго целам спачывае па сённяшні дзень у адмысловай капліцы. Народнае ўшанаванне мошчаў біскупа Лазінскага пачалося адразу пасля яго смерці, а ў 1957 годзе распачаўся яго беатыфікацыйны працэс.

Кароткая хроніка Катэхетычнага каледжа

Ідэя і намаганні па арганізацыі каталіцкай навучальнай установы бяруць свой пачатак ад 1990-х гадоў. Але толькі 3 кастрычніка 2009 года, дзякуючы сумесным намаганням Яго Эмінэнцыі кардынала Казіміра Свёнтэка, Апостальскага адміністратара  Пінскай дыяцэзіі, манаскай Супольнасці Божага Слова і мясцовых святароў – кс. Алега Сількевіча і кс. Андрэя Рылкі, якія ўзяліся за непасрэдную арганізацыю дзейнасці навучальнай установы, ў Баранавічах адбылося ўрачыстае адкрыццё Катэхетычнага каледжа імя Зыгмунта Лазінскага.

открытие

Урачыстасці распачаліся святой Імшой, якую цэлебраваў кардынал Казімір Свёнтэк. У афіцыйнай частцы інаўгурацыі кардынал адзначыў, што Катэхетычны каледж – гэта цудоўная магчымасць не толькі пашыраць свае тэалагічныя веды, увайсці ў больш цесны кантакт з Богам, але таксама навучыцца дзяліцца гэтымі ведамі і верай з іншымі

З цёплымі прамовамі на ўрачыстасці выступілі  госці, сярод якіх быў таксама і біскуп Віцебскай дыяцэзіі Уладзіслаў Блін. З віншаваннямі звярнуліся і прадстаўнікі мясцовых і aбласных ўладаў, беларускіх вышэйшых навучальных устаноў, дыпламатычнага корпуса.

З самага пачатку існавання каледжа пачалі складвацца яго шматлікія традыцыі. Так, 19 снежня 2009 г. адбылося першае перадкаляднае (аплатковае) спатканне студэнтаў і выкладчыкаў. Сярод гасцей прысутнічаў таксама і Казімір Свентэк.

Студэнтамі быў падрыхтаваны цікавы спектакль і святочная праграма. Адбыліся тэатралізаваныя паказы біблейскіх сцэн са Святога Пісання, пасля якіх студэнты і госці каледжа сустракалі вясёлых беларускіх каляднікоў з песнямі, танцамі і гульнямі, а таксама дзяліліся аплаткам.

DSC_9103

На аплатковай сустрэчы перед прысутнымі выступіў кардынал Казімір, які напярэдадні вярнуўся з Ватыкана. Ён паведаміў аб тым, што падчас яго візыту ў Ватыкан Катэхетычны каледж быў зарэгістраваны ў Кангрэгацыі Каталіцкай Адукацыі.

Перад пачаткам Вялікага Посту, у лютым 2010 года, ў каледжы прайшла яшчэ адна ўрачыстасць, прысвечаная святу Ахвяравання Пана (2 лютага), якое лічыцца днём асаблівай малітвы за прысвечаных Богу асобаў. З гэтай нагоды студэнты разам з выкладчыкамі арганізавалі вяселы карнавал.

карнавал

У сярэдзіне  чэрвеня 54 студэнты, залічаныя на першы курс, скончылі свой першы навучальны год.

Новы акадэмічны год 2010/2011, у які на першы курс былі залічаны яшчэ 25 студэнтаў, распачаўся майстар-класам з надзвычай цікавымі практычнымі заняткамі па актыўных метадах катэхізацыі. Практычная майстэрня адбылася ў каледжы 11-12 верасня 2010 года. Праводзіла заняткі сп. Катажына Овчарэк з каталіцкага руху “Святло-Жыццё”, цэнтральная сядзіба якога знаходзіцца ў Польшчы ў мясцовасці Красценка.

Таксама ў гэтым навучальным годзе  адбыліся два навукова-практычныя семінары. Першы, які прайшоў 29-30 студзеня 2011 года, быў прысвечаны праблемам насілля ў сям’і. Другі семінар пад назвай “Секты і спасобы іх дзеяння ў сучасным свеце” адбыўся ў маі 2011 года.

Асабліва памятным у гісторыі Катэхетычнага каледжа быў 2012 год, калі адбыўся першы выпуск. Дыпломы катэхетаў тады атрымалі каля 40 студэнтаў.

DSC_8095

Гэты год быў таксама адзначаны правядзеннем семінару “Евангелізація і новыя сродкі камунікацый”, падчас якога была арганізаваная анлайн-трансляцыя канферэнцый у інтэрнэце.  У семінары прымалі ўдзел такія вядомыя асобы як дакументаліст, аператар і рэжысёр Юрый Гарулёў (Беларусь), мэдыа эксперт у галіне інтэрнэт-СМІ Павел Левушкан (Латвія), “ТРК Ангел ТВ” (Беларусь).

У 2012/2013 навучальным годзе у Каледжы была арганізаваная асобная група студэнтаў — сямейных кансультантаў. Гэтыя маладыя людзі пажадалі вывучаць псіхалогію і магчымасці духоўнай дапамогі сем’ям, асноўваючыся на хрысціянскай веры і маралі.

У 2013 годзе адбыўся сімпозіум “Хрысціянская тэматыка ў свецкіх СМІ”, які  сабраў шмат гасцей з Беларусі, Расіі, Італіі. У гэтым жа годзе ў Каледжы таксама былі арганізаваныя адмысловыя курсы для сацыяльных педагогаў.

У навучальным годзе 2013/2014 пачалі сваю дзейнасць спецыяльны пазалекцыйны інфармацыйна-практычны курс “Апостал” пад кіраўніцтвам с. Ядвігі Шчучко. Мэта курса – пазнаеміць студэнтаў з рознымі  рэлігійнымі накірункамі ў жыцці сучаснага грамадства і магчымасцямі працы з ахвярамі сект.

На сеняшні дзень у каледжы налічваецца каля 50 студэнтаў.